Aftur bankarán?

Klíkur stjórnarflokkanna vilja nú koma bönkum þjóðarinnar alfarið úr almannaeigu í hendur útvaldra í fjármálabraskinu. Ekki í fyrsta skiptið!

Þegar nýfrjálshyggjan (a Friedman og Hayek) hafði rutt gömlu hagkennurunum (Samuelson og Schumpeter) út á kant, og blindað barnslega og spillta íslenska stjórnmálamenn, afhentu þeir sínum flokksbræðrum fyrirtæki þjóðarinnar, með góðu eða illu, blekkingum eða lygum. Bankakerfið var afhent í heild sinni en það hafði haldið landsmönnum og þeirra fyrirtækjum gangandi í áratugi mestu uppbyggingar í sögu Íslands.

Nýfrjálshyggjan var að sjálfsögðu hönnuð til þess að efla stórfyrirtæki Bandaríkjanna og ætluð til þess að hjálpa þeim að rupla og féfletta trúgjarna um heimsbyggðina. Til voru vísir menn um allan heim sem vörðust og höfnuðu falskenningunum og margir öflugir bankar https://en.wikipedia.org/wiki/Public_bank og stórfyrirtæki https://sg.finance.yahoo.com/news/singapore-airlines-reports-record-operating-233000277.html?guccounter=1

út um allan heim eru áfram í almannaeigu og sum í fremstu röð. Einkabankar enda oft á hausnum og á framfæri almennings eins og einkavæddu íslensku bankarnir gerðu 2008.

Bábiljuspekingar og nýfrjálshyggjuafturgöngur eru enn á kreiki og vilja einkavæða helst allt sem þjóðin á eftir. Þeir einkavæddu ekki bara banka þjóðarinnar um aldamótin síðustu heldur komu líka á regluverki EES sem var himnasending fyrir braskarana, gaf þeim starfsleyfi í ESB/EES og heimilaði bæði nýju eigendunum, vildarvinunum og bankastjórunum að maka krókinn með fé bankanna Þeir voru svo grænir að þeir áttuðu sig ekki á að verðir heimsfjármálamiðstöðvarinnar í London, þar sem þeir höfðu plantað sér, mundu aldrei þola fiskimannasonum ofan af Klakanum  að kroppa í svikamyllu fjármálafinngálknsins í Bretlandi. Enda kom á daginn að Bretar gjaldþrotuðu þá og allt íslenska bankakerfið í leiðinni. Og íslenskir skattgreiðendur fengu allt í fangið eins og við mátti búast.

Og nú segja fjárplógsklíkur stjórnarflokkanna að ríkið eigi að selja sinn hlut í bönkunum  "og nota féð í innviði-" (gáfnaljós eiga að vita að bankar eru mikilvægir innviðir). Þeir ætla næst að koma hlut þjóðarinnar í Íslandsbanka til velunnara í braskinu sem geta þá mögulega komist í feitt og leikið sér með þjóðareign.

Einkavæðingin ásamt með löggildingu EES-bankaregluverksins setti marga Íslendinga í þrot og fór nærri að setja Ísland í þrot. Þrátt fyrir að neyðarlög hafi tekið EES úr sambandi og Ólafur Ragnar, Sigmundur Davíð og Bjarni Ben hafi bægt hrægömmunum frá og bjargað ríkissjóði, standa löskuð flök af gömlu þjóðarbönkunum, og áframahaldandi áþján EES, í vegi fyrir að unga fólkið geti byggt upp sitt húsnæði og sinn efnahag.

Stór hluti bankakerfisins þarf að vera í almannaeigu og í sparisjóðakerfi til þess að geta þjónað Íslendingum en ekki peningaþvottalögreglu Evrópusambandsins og EES.

https://www.frjalstland.is/2023/07/01/fataektarmenning/

https://www.newyorker.com/magazine/2023/07/24/the-rise-and-fall-of-neoliberalism

https://consortiumnews.com/is/2022/07/01/ukraine-is-the-latest-neocon-disaster/ (tölvuþýðing)

 

Kísilverksmiðja í gang

                                                                        Kísilmálmverksmiðjunni Helguvík var á sínum tíma lokað af Umhverfisstofnun, kvartanir bárust frá einhverjum Keflvíkingum sem fundu lykt ekki síst þegar vindur stóð á haf út og meint mengun hefði farið þangað! Lokun verksmiðjunnar var valdníðlsa, ekki var sannað að hún hefði farið yfir sett mengunarmörk.

EES-regluverkið um mengun frá iðnaði er flókið og óhnitmiðað en túlkað af geðþótta út fyrir ystu æsar af íslenskum stofnunum. Það hamlar iðnaðaruppbyggingu en í kísilmálmverksmiðjur er settur mengunarhreinsibúnaður sem tekur obbann af menguninni.

Mogginn segir að einhver hafi áhuga á að koma hinni verklausu kísilverksmiðju í gang (Mbl 18.4.2024) en hún er hönnuð og tækjavædd af einhverju stærsta fyrirtæki heims í tækni kísilmálmframleiðslu. Spurningin er hvort hægt verður að setja hana í gang meðan íslenska stofnanafarganið starfar eftir nöldurskjóðum og EES/ESB-regluverkinu sem þegar hefur flæmt stóran hluta af hráefnaiðnaði V-Evrópu burt.

Svo er það annað mál en farið er að eyða raforku þjóðarinnar í óþarfa í nafni orkuskipta og klefnishlutleysis í stað þess að nota orkuna til verðmætasköpunar. Meðal annarra heimskustrika fá menn nú umhverfisspillandi rafhlöðubíla með styrk frá skattgreiðendum meðan umhverfisvænstu bílarnir, sem nota ódýra, hagkvæma og umhverfisvæna orku bensíns og díselolíu, eru seldir með okursköttum og eldsneytið er selt á tvöföldu verði.

Máttlaus ríkisstjórn?

Nýja ríkisstjórnin verður vonandi ekki eins máttlaus og sú fyrri sem gat ekki varið þjóð sína fyrir

-okurálögum á flugfélög, skipafélög og iðnað

-dýrum og heftandi EES-tilskipunum

-stöðnun í uppbyggingu orkuvera og iðnaðar

-óframkvæmanlegu regluverki um orkuskipti og "kolefnishlutleysi"

-áframhaldandi rupli braskaranna úr Hruninu og sulti fórnarlamba þess

-stríðsþáttöku gegn landi sem "friðelskandi" Ísland á ekkert sökótt við-

-innflæði óþekktra þróunarlandabúa og EES-aðila

-vanhæfni um bóluefni og flensuviðbrögð

-færslu landareigna til útlendinga

-hnignun íslenskrar tungu

-siðmenningarlegri upplausn

-EES-samningnum og ósjálfstæði; stjórn Evrópusambandsins yfir Íslandi

-o.s.frv.

Nýja ríkisstjórnin fær nóg að gera ef hún ætlar að færa afleiðingarnar af máttleysi fyrri stjórnar til betri vegar.

EES-svelgurinn stækkar

Tilskipanavaldið (ESB) ætlar nú að heimta fé af þeim sem enn hafa sloppið við að borga fyrir losun gróðurhúsalofttegunda.

Íslensk stjórnvöld sjá um að koma EES-áþjáninni á.

Tilskipun 2023/859 fyrirskipar viðskiptakerfi "sem mun ná utanum losun frá byggingum, vegasamgöngum og viðbótargeirum"-. Þetta nýja kerfi, "ETS2-kerfið verður rekið samhliða ETS-kerfinu en losun frá því mun áfram reiknast sem samfélagslosun sem fellur undir svokallaða beina ábyrgð ríkja-"(ESR, nr 2018/842)

Skilji nú hver sem betur getur óráðssvamlið (skriffinnamálið) frá Brussel í íslenskri þýðingu! ETS-kerfið tottar fleiri og fleiri milljarða af íslenskum fyrirtækum í losunarkvótabrask, flugfargjöld hækka, vöruverð hækkar, útflutningstekjur minnka, fátæktin eykst eins og í ESB en ESB-braskarar fitna!

https://samradapi.island.is/api/Documents/ae7b1e88-47cf-ee11-9bc1-005056bcce7e

Útblástur koltvísýrings og hauglofts frá mannsathöfnum hefur ómælanleg áhrif á loftslag Jarðar. Stærstu bankar heims, sem létu áður vélast af græna fagurgalanum https://www.climateaction100.org/, eru nú að hætta að veita "grænum fjárfestingum" forgang. Þær borga sig ekki og bankamenn trúa ekki lengur á "grænu" blekkingarnar. https://www.theguardian.com/business/2024/mar/05/us-banks-leave-esg-finance-climate-crisis

West Virginaríki hefur bannað fjóra stóra banka frá þáttöku í verkefnum vegna andstöðu bankanna við jarðefnaeldsneytisiðnaðinn og þáttöku í ESG-stefnunni um "sjálfbærarar" fjárfestingar. https://www.foxbusiness.com/politics/west-virginia-cracks-down-on-major-banks-over-environmental-activism

En Evrópusambandið heimilar sínum stórmeðlimum að reka kola- og gasorkuver þó við eyjarskeggjarnir (sem álpuðumst til að láta lélegt (eða timbrað?) alþinig veita því vald hér) séum látnir blæða fyrir að nota eldsneyti.

Ríkisstjórn Íslands býður mönnum að gera athugasemdir við lagafrumvörp á Samráðsgátt https://island.is/samradsgatt/mal/3686 Það er blekkingaleikur, EES/ESB-tilskipunum er aldrei breytt, þær verða alltaf að lögum og reglugerðum með sama innihaldi og þegar þær komu frá Brussel (nema þær séu um skipaskurði, járnbrautir eða gasröralagnir), stundum er bætt við einhverjum óþarfa frá brjósti ESB-hermikráka hér.

 

Stríð að skella á

Eitt af gáfnaljósum ESB, og núverandi forsætisráðherra Póllands, Donald Tusk, segir að nú séru fyrirstríðstímar. 

https://www.mbl.is/frettir/erlent/2024/03/29/evropa_nu_a_fyrirstridsarum/

Dómsdagsspámannakór Evrópusambandsins fékk góðan samherja þegar Macronapoleon Frakklandskeisari sagði að gæti þurft að senda franska hermenn til bardaga við Rússa (þeir eru þegar mættir).

Sjálfskipaða spámenn og ofurgáfaða leiðtoga Vesturlanda hefur lengi langað til að splundra Rússlandi og komast í auðlindir þess, Napoleon reyndi 1812, Hitler 1941 og Churchill og Truman mótuðu stríðsstefnu gegn Rússlandi 1946. https://www.frjalstland.is/2024/03/30/ovinur-buinn-til/

Obama og Biden tóku upp stríðsþráðinn 2014 og komu af stað stríði gegn Rússunum í Donbas.

ESB á kaf í mykju

Bændur Evrópusambandsins vilja ekki láta græna bölið verða til þess að þeir verði lagðir niður. https://www.frjalstland.is/2024/02/12/graena-bol-landbunadar-evropusambandsins/

Þeir mótmæla tilraunum sambandsins til að eyðileggja þeirra atvinnugrein með vitfirrtum "grænum" stefnumálum. Þeir mæta til Brussel og dæla mykju á Evrópusambandið.  https://www.youtube.com/watch?v=vwKGlJqmC2A

Hernaður Íslands

Skotfærakaup Íslands 300_milljónir.

Þau fáheyrðu tíðindi berast að Ísland muni kaupa skotfæri handa hryðjuverkastjórn Úkraínu sem nú hefur í heilan áratug rekið tilefnislaust árásarstríð gegn rússneskum borgurum landsins, og nú líka Rússlandi sjálfu, á vegum NATO og ESB. https://www.frjalstland.is/2024/01/27/vaxandi-hernadur-gegn-russlandi/

Sjaldan launar kálfurinn ofeldið en Rússar, sem skotfærin eru ætluð til að drepa, hafa í 8 áratugi verið dygg vinaþjóð, ein mikilvægasta viðskiptaþjóðin og auk þess stuðningsþjóð Íslands og gert Íslandi kleyft að verjast ágengni Breta og fleiri V-Evrópuvelda og verja fiskimiðin.

Íslendingar geta ekki lengur státað af því að vera friðelskandi þjóð. Við erum ekki einu sinni trygg okkar bestu vinum. Það verður rannsóknaefni hvernig þetta gat gerst en ljóst er að áhrifamenn landsins og stjórnmálahreyfingarnar sem komist hafa til valda ráða ekki við að halda merki Íslands á lofti en hafa gert Íslendinga að aumkunaverðum leppum stríðsmangara Evrópusambandsins, Bandaríkjanna og NATO.

Skömm íslenskra ráðamanna verður erfit að afmá.

Er ESB fyrirmynd?

Evrópa þarf nú að búa sig undir stríð við Rússland segir einn af Brusselgáfnaljósunum (hjá ESB þýðir "Evrópa" ESB þó aðeins rúmur helmingur Evrópubúa búi í ESB). Evrópusambandið hefur sagt sínum meðlimum að koma sínum hagkerfum í stríðsham því Rússar muni ráðast á ESB (mbl 20.3.2024)! Eins og margt annað frá ESB er sá spádómur byggður á umfangsmiklum lygavef sem hefur verið spunninn í rótgróinni heimsvaldahyggju V-Evrópu sem hefur ásælst auð Rússlands í aldir.

Macronapoleon Frakklandskeisari og Brusselþursana dreymir um að ESB taki við sríðsrekstrinum gegn Donbas og Rússlandi af Bandaríkjunum sem hafa rekið hernaðinn síðan Obama-stjórnin hóf hann 2014 með stuðningi ESB og NATO. Afskipti ESB og NATO og viðbrögð Rússa við þeim eru að leggja Úkraínu í rúst https://www.frjalstland.is/2024/02/29/ukraina-logd-i-rust/

Ætlar eyríkið Ísland að vera með í stríðshlaupi ESB/NATO gegn Rússlandi? Er ESB sú fyrirmynd sem Ísland þarf, lönd þar búa við meiri vandamál og fátækt en Ísland og þróast nú í átt að múslimaríkjum meðan sjálfum Evrópubúum fækkar. Viljum við lög ESB yfir okkur? Uppbygging iðnaðar og orku er að stranda, landbúnaðurinn er að kikna, samkeppnislög ESB/EES og Samkeppniseftirlitið standa í vegi fyrir þróun atvinnufyrirtækjanna, umhverfistilskipanirnar stöðva uppbygginguna, loftslagstilskipanirnar færa fúlgur fjár til Brusselbáknsins. Og nú er stríðsandinn kominn yfir Vesturevrópuveldin eins og svo oft áður með geigvænlegum afleiðingum. https://www.mbl.is/frettir/innlent/2024/03/22/katrin_fundadi_med_forsaetisradherrum_evropurikja/

Það er löngu kominn tími til að segja Ísland frá valdi Brussel, EES-samningnum og vitfirrtum stríðsæsingi gegn Rússlandi sem hefur verið ein öruggasta vinaþjóð Íslendinga og hefur aldrei gert árás á Vesturevrópu þó þurft hafi að reka Vesturevrópska heri heim eftir að þeir höfðu drepið milljónir Rússa. https://www.frjalstland.is/2024/01/27/vaxandi-hernadur-gegn-russlandi/

 

Bankakerfinu má bjarga

Þetta er klárt og málið leyst! Landsbankinn á pening og getur keypt hlut í Íslandsbanka af ríkinu og þarf ekki að fara að braska með einhver tryggingafélög!

Þá verður hægt með timanum að fækka bönkum og stækka Landsbankann og gera hann að öflugum 100% þjóðarbanka án áhrifa áhættusækinna "fjárfesta" sem mundu setja hann á hausinn fyrr eða síðar.

Bábiljuspekingar eru enn til sem vilja einkavinavæða helst allt sem ríkið á, þeir einkavinavæddu gömlu ríkisbankana og komu á regluverki EES sem saman rústaði bankakerfinu og skattgreiðendur fengu allt í fangið https://www.frjalstland.is/2023/10/08/hrunid-fimmtan-ara/ Og nú segja þeir að ríkið eigi að selja sinn hlut í bönkum og nota féð í "innviði".

Gáfnaljósin meðal þessara bábiljuspekinga eru ekki vitrari en svo að þeir átta sig ekki á að bankar eru með mikilvægari innviðum hvers lands. Stór banki í eigu ríkisins mundi leiðrétta á vissan hátt hina glæpsamlegu einkavæðingu bankakerfisins og efla uppbyggingu unga fólksins.

Einkavæðing bankanna var ein af verstu gerðum íslenskra stjórnmálamanna síðari tíma sem ásamt með lögleiðingu EES fór nærri því að setja Ísland í þrot. Þrátt fyrir að neyðarlög hafi tekið EES úr sambandi og Sigmundur Davíð hafi sigrað braskarana og bjargað ríkissjóði standa endursmíðuð bankaflökin og EES-áþjánin í vegi fyrir að unga fólkið geti byggt upp sinn efnahag, regluverkið er hannað fyrir staðnað og fátækt landsvæði ESB. https://www.frjalstland.is/2023/07/01/fataektarmenning/

3 stríð í gang

Stríðsríkið stefnir nú á að halda gangandi 3 stríðum: Í Úkraínu, Mið-Austurlöndum og Kína.

Verktökustríð nýnasistanna í Úkraínu á vegum Bandaríkjanna hefur staðið í 10 ár en Evrópusambandið er að reyna að taka við. Stríðið gegn Palestínu, Líbanon, Jemen og Íran fór af stað í byrjun vetrar. En gengið í Hvíta húsinu er nú að munda byssurnar gegn Kína. Bandarískir hermenn eru komnir til Kinmen eyja rétt við strönd Kína. https://asiatimes.com/2024/03/us-green-berets-deploying-to-taiwans-front-line/

Manndráp stríðsríkisins í Írak, Afganistan, Serbíu, Líbíu og Afríku hafa minnkað en manndráp og þjófnaður heldur áfram í Sýrlandi.

Af því að Bandaríkin eru okkar helsta bandalagsríki ættu íslensk stjórnvöld að hætta að naga neglurnar og segja Könunum að hætta þessu áður en við aumingja bandamennirnir fáum líka allan heiminn upp á móti okkur!