Fullveldið, NATO, EFTA, ESB,- framsal valds

Í grein í aukablaði Morgunblaðsins í dag, 1.des. eftir Ásgerði Ragnarsdóttur dómara, segir hún m.a:

"..Frá því að EES-samn­ing­ur­inn tók gildi árið 1994 hafa skuld­bind­ing­ar ís­lenska rík­is­ins auk­ist veru­lega og hef­ur sam­starfið kraf­ist þess að vald­heim­il­ir séu fram­seld­ar í vax­andi mæli til stofn­ana EES. Al­mennt er viður­kennt að lög­fest­ing samn­ings­ins hafi á sín­um tíma reynt veru­lega á mörk stjórn­ar­skrár­inn­ar og því fór fjarri að sam­hug­ur væri um hvort þörf væri á stjórn­ar­skrár­breyt­ingu..."

"Sé litið til stöðunn­ar í dag, um ald­ar­fjórðungi síðar, má ljóst vera að ís­lenska ríkið hef­ur fram­selt vald­heim­ild­ir í tals­verðum mæli til stofn­ana EES og hef­ur þeim jafn­framt verið eft­ir­látið vald til að taka íþyngj­andi ákv­arðanir gagn­vart fyr­ir­tækj­um og ein­stak­ling­um hér á landi, svo sem með álagn­ingu sekta og bein­um af­skipt­um af rekstri fyr­ir­tækja.."

"Telja verður lík­legt að álita­efni um mörk heim­ils framsals muni aukast í framtíðinn og væri það í takt við þróun í reglu­verki Evr­ópu­sam­bands­ins þar sem sjálf­stæðum eft­ir­lits­stofn­un­um eru í aukn­um mæli veitt­ar vald­heim­ild­ir gagn­vart ein­stak­ling­um og lögaðilum. Skýrt dæmi um þetta er þriðji orkupakki Evr­ópu­sam­bands­ins sem hef­ur upp á síðkastið verið til­efni umræðu um mörk heim­ils framsals vald­heim­ilda hér á landi."

Utanríkisráðherra hélt hádegisverðarfund í Valhöll í vikunni, í umræðum kom fram að hann styddi innleiðingu 3 orkupakkans. Rök hans fyrir því að standa gegn vilja almennings voru þau að stundum þyrftu stjórnmálamenn að fara gegn almenningsálitinu og nefndi ákveðni formanns Sjálfstæðisflokksins Bjarna Benediktssonar (hin fyrri) við inngöngu í NATO og í EFTA.

Langt er til seilst hjá utanríkisráðherra að bera saman afsal valds yfir íslenskum hagsmunum til erlends stjórnvald, við samning um varnir landsins og inngöngu í fríverslunarsamtök. Í NATO og EFTA er Ísland fullgildur og virkur aðili án nokkurs valdframsals á innlendum hagsmunum, öfugt við hálfgerða innlimun í ESB gegnum EES samninginn. Þessi samanburður ráðherrans er rangur, svo ekki sé fastar að orði kveðið.


« Síðasta færsla | Næsta færsla »

Athugasemdir

1 Smámynd: Jón Valur Jensson

Þökk fyrir að vekja hér athygli á upplýsandi orðum hinnar vel upplýstu Ásgerðar Ragnarsdóttur dómara.

Hin fréttin er ill: að Guðlaugur Þór hefur einfaldega tekið þá afstöðu að framselja frá okkur landsréttindi og ber þó fyrir sig nauðsyn, sem engin er, þvi að ekki verður séð, að Ísland hafi neinn hag af 3. orkupakkanum, en ærinn óhag. Með þessu innsiglar GÞÞ áframhaldandi fylgishrun Sjálfstæðisflokksins, sem enn heitir svo, en viðist þurfa að breyta nafni sínu í Ójálfstæðisflokkinn. Munu fullveldissinnar nú ítrekað vekja á þessu athygli.

Jón Valur Jensson, 1.12.2018 kl. 16:26

2 Smámynd: Bjarni Jónsson

Lagaprófessorinn og síðar formaður Sjálfstæðisflokksins og forsætisráðherra var sá íslenzkra stjórnmálamanna, sem einarðlegast barðist fyrir uppsögn Sambandslagasamningsins frá 1918 og lýðveldisstofnuninni 1944.  Það er sögufölsun að vitna til baráttu hans fyrir NATO-aðild eða EFTA-aðild til að verja stjórnarskrárbrotin, sem felast í upptöku ýmissa gerða ESB, t.d. Þriðja orkupakkans.  NATO- og EFTA-aðildin voru og eru þjóðréttarlegs eðlis, en með EES-aðildinni þarf að afhenda vald til yfirþjóðlegra stofnana, sem hafa mikil áhrif á hagsmuni fyrirtækja og einstaklinga hérlendis, t.d. reglusetningarvöld og sektarheimildir.   Þessum mun ættu lögfræðingar að kunna skil á, en þeir kjósa sumir hverjir að rugla þessu saman í vanburða tilraunum til að vinna pólitískum skoðunum sínum brautargengi.

Bjarni Jónsson, 2.12.2018 kl. 15:04

3 Smámynd: Helga Kristjánsdóttir

Örlögin útdeilir'oss vanburða veikum Í rökum,-Sem vitnar í gerðir forvera síns með skrökum.Vonbrigði er trúðum à Guðlaugi garpa,en sjá þar er kominn Össur Skarpa.  Var hæð renna utvà orkuna efli litla Ipadsins pakkinn tómur....

Helga Kristjánsdóttir, 3.12.2018 kl. 09:08

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband