ESB löggjöf stjórnar íslensku samfélagi.

EES samningurinn tekur yfir næstum öll svið samfélags okkar. Upprunalega byggðist hann á samvinnu um hvað af tilskipunum ESB yrðu teknar upp í íslensk lög. Í dag er samvinnan horfin og ESB þvingar EFTA hvaða skuli tekið upp í EES samninginn.

Hér að neðan má sjá hvaða svið falla undir samningsins. Frá upphafi samningsins hafa verið teknar upp um 12.000 tilskipanir ESB í íslensk lög.

Þegar samningurinn var gerður var sett upp mikið nefndarkerfi, 35 nefnda sem átti að yfirfara allar tilskipanir og aðlaga þær aðstæðum og hagsmunum Íslands. Í dag eru þessar nefndir óþarfar, því ekki má breyta efni tilskipana ESB. Þýðingarstofa utanríkisráðuneytisins er í þýðingamesta hlutverkinu.

Athugasemdir

[Ragnhildur Kolka, 30.3.2018 kl. 16:27]

Hvað hefur nokkur þjóð að gera með 12.000 tilskipanir? 

[Gunnar Heiðarsson, 30.3.2018 kl. 20:34]

Og nú skal fjórða frelsinu bætt við, frjálsu flæði orku. Þá mun auðvitað þurfa að stofna Undirnefnd IV og undir- undirnefndir undir hana.

Í sjálfu sér væri hægt að réttlæta allar þessar nefndir, hefðu þær eitthvað vægi, en þar sem ljóst er að engin þeirra hefur nokkuð að segja um hvaða né hvernig tilskipanir Alþingi ber að samþykkja, mætti leggja þær strax niður og samþykkja þannig öll völd ESB yfir okkur.

Sjálfstæði okkar er verulega skert, vegna EES samningsins og ljóst að ef Alþingi samþykkir tilskipunina um þriðja hluta orkumálaþátt ESB, höfum við fórnað því að öllu leiti. Það má því segja að nú hafi Alþingi kost á að láta reyna á hvort við erum enn sjálfstæð þjóð, kannski er þetta síðasti séns til að láta reyna á slíkt.

Sá misskilningur virðist vera uppi að samþykkt þessarar tilskipunar muni hafa lítil áhrif hér á landi, að afurð þessarar tilskipunar, ACER, muni ekki fá hér völd fyrr en Ísland tengist með sæstreng til Evrópu.

Þetta er stórhættulegur misskilningur, sem þarf að leiðrétta hið fyrsta.

Hið rétta er að um leið og við samþykkjum tilskipunina um þriðja hluta orkumálaþátt ESB, munu yfirráð ACER strax ná til okkar. Það er síðan í hendi þeirrar stofnunar að ákveða hvenær Ísland verði tengt með sæstreng yfir hafið! Það er einnig í valdi ACER að skera úr um kostnaðarþátt þess strengs, náist ekki samkomulag. Þannig gæti þessi stofnun ákveðið hversu mörgum hundruðum milljarða okkur bæri að borga til strengsins. ACER mun síðan ákveða hversu mikil orka skuli flæða úr landi, gegnum þennan streng og hvert verð þeirrar orku skuli vera. Samhliða því mun orkuverð til okkar Íslendinga hækka í samræmi við það verð sem rukkað er á meginlandi Evrópu.

Það liggur fyrir að ACER er með ICElink ofarlega á sínum forgangslista og gera má ráð fyrir að framkvæmdir við lagningu strengsins hefjist innan árs frá samþykkt Alþingis á þessari tilskipun!!

Samþykkt tilskipunar um þriðja hluta orkumálála ESB mun færa öll völd yfir orkuauðlindum okkar til ACER, staðsett í Slóveníu, þar með talið hvort sæstrengur verði lagður!!

Það er hugguleg gjöf sem Alþingi ætlar að færa þjóðinni á eitt hundrað ára afmæli fullveldis okkar!!  

[Halldór Egill Guðnason, 30.3.2018 kl. 21:46]

 Get með engu móti skilið hvað þingheimur er að hugsa, ef hann þá hugsar eitthvað, þegar sjálfstæði þjóðarinnar á í hlut. Hvernig í ósköpunum stendur á því að mál eru með þessum hætti á 100 ára afmæli fullveldisins?. Hvernig stendur á þeirri ærandi þögn, sem nú ríkir um þessi mál?. Getur verið að ósanngjarnt vald fjölmiðla spili þar einhverja rullu?.

 Þakka góðan pistil og einnig innleggið frá Gunnari Heiðarssyni, hér að ofan.

 Góðar stundir, með kveðju að sunnan.

[Jón Valur Jensson, 31.3.2018 kl. 07:54]

Er það ekki málið, að þetta eru aumir landráðaræflar sem vita ekki hvað þeir eiga af sér að gera, þessir ráðamenn okkar sem með aðgerðarleysi sínu spyrna ekki fótum við þessari EES-tilskipana-áþján sem aldrei skyldi orðið hafa. Jafnvel Kanada hefur betri viðskiptasamninga við Evrópusambandið vegna fiskútflutnings heldur en við og samt er okkur ætlað að gleypa við ESB-löggjöf í þokkabót!!

Við eigum að segja upp EES-samningnum án tafar. Það er stefna míns flokks, Íslensku þjóðfylkingarinnar, sem verður með framboð til borgarstjórnar í vor, enda veitir ekki af.

Og auðvitað eru fjölmiðlar flestir virkir í þessum fjára, Halldór Egill, rétt eins og Fréttablaðið er svínslega meðvirkt í Skripal-málinu og viðskiptabanns-málum gagnvart Rússum.

Höfuðglæpurinn væri náttúrlega að kyngja þessu ACER-kerfi, en eflaust eru til landráðamenn hér sem mæla jafnvel því bót!

Þetta er einmitt árið, á 100 ára afmæli fullveldis og sjálfstæðis Íslands, að berjast gegn allri ásókn og áþján frá þessu valdfreka evrópska, ofvaxna stórveldi þar sem fáein voldug ríki í Evrópu hafa meirihlutavald.

[Ragnhildur Kolka, 31.3.2018 kl. 10:01]

Framsókn og Sjálfstæðisflokkur hafna þessari breytingu, en spurning um VG. Kolbeinn Ó Proppé var í einhverjum spjallþætti um daginn og þar fengust engin svör frá honum önnur en ef og kannski.

Það er illa komið fyrir VG ef þeir lúffa fyrir ESB í þessu máli, en atkvæðin skipta þá orðið meira en ást á landinu. En slík er nú orðin samsetning kjósenda þeirra. Það mun þó lítið gagnast þeim að reka náttúruverndar stefnu ef þeir selja orkufrmkvæmdavaldið í hendurnar á ESB.