Bretland frjálst - Ísland næst

Bretar eru sigurvegarar! Enn og aftur standa okkar öflugu nágrannar sem sigurvegarar í baráttunni við valdagráðugar meginlandsþjóðir. Þeir endurheimta nú sjálfstæðið eftir nærri hálfrar aldar áþján Brusselvaldsins. Þar með eru allar sögulega mikilvægustu samskiptaþjóðir Íslands utan múra ESB en við sitjum föst innan þeirra vegna EES

Okkar stjórnvöld þykjast vera að semja við Breta um mikilvæg mál. Fáir þora að segja að meðan Ísland er í EES gilda lög og reglur ESB hér svo okkar stjórnvöld geta aðeins samið um sjálfsagða hluti og það sem ekki er búið að afhenda ESB yfirstjórnina yfir.

Svo illa er komið fyrir Íslendingum að það verður ESB  en ekki íslensk stjórnvöld sem munu semja við Breta um mikilvæg samskipti Íslands og Bretlands. Það er orðið tímabært að segja EES-aðildinni upp og endurheimta sjálfstæðið. Og semja á jafningjagrundvelli beint við okkar helstu samskiptalönd.

Frjálsir Bretar ryðja Íslandi braut

Persónuverndarlög: Milljarða óþarfur kostnaður

 

 

 

 

 

-"Fyrirtæki og stofnanir þurfa að vera á tánum og fylgjast með úrskurðum presónuverndarstofnana -sektirnar geta verið frá 100 þúsund  upp í 2,4 milljarða-" (Alma Tryggvadóttir, Fréttablaðið 29.1.2020). ESB setti persónuverndarlög aðallega til höfuðs stóru bandarísku netfyrirtækjunum sem fyrirtæki í ESB geta ekki keppt við. Lögin eru þvæluleg langloka eins og yfirleitt frá ESB. -"Persónuverndarlög ESB setja alvarlegar en óljósar kvaðir á fyrirtæki og stofnanir-" (Financial Times, 30.5.2018).

ESB fyrirskipaði að lögin skyldu sett hér vegna EES og stimplaði Alþingi þau þegar þingmenn voru orðnir þreyttir og syfjaðir og vildu komast heim í sumarfrí í lok júní 2018. Lögin og eftirfylgni þeirra, sem stýrt er frá Brussel, voru brot á íslenskum lögum og valda gífurlegum óþarfa kostnaði fyrir fyrirtæki og stofnanir.

Persónuverndarlög nýtt stjórnarskrárbrot

Sóttvarnalæknir með ruslvísindi?

Okkar sóttvarnalæknir virðist ætla að afsaka vaxandi offjölgunarþrýsting og fólksinnflutning úr hitabeltinu með að fátæklingar þaðan flýi hingað undan hlýnandi loftslagi! (Mbl 26.1.2020) Það er að vísu rétt að loftslag á Íslandi er svalt og hefur ekki hlýnað í 8 áratugi. En það sama gildir um lönd þar sem áreiðanlegar mælingar eru til: Loftslag á Jörðinni er ekki að hlýna svo sannað sé, áróðurinn um hlýnun loftslags er sprottinn úr valdagræðgi og fjárplógstilraunum og byggður á undirmálsvísindum

Loftslagsvísindi hrjáð af fölsunum

Það er alvörumál ef okkar æðstu embættismenn byggja á undirmálsvísindum. Þeim er þó viss vorkunn því stofnanir Sameinuðu þjóðanna (IPCC, UNEP, WMO, WHO) og ESB-báknið eru hlutaðeigendur.

Vísindafélag Ísladns leggur nú til að meira fé verði varið í grunnrannsóknir. Íslendingar eiga meira undir loftslagi en flestir. Með reynsluna af vísindafölsunum síðustu áratuga er sýnt að Íslendingar þurfa að afla meiri eigin þekkingar á loftslagsvísindum og leggja fé í það.

Niðurrif atvinnulífsins

ISAL ætlar að draga saman seglin og kaupa minna af orku, í framhaldinu væntanlega minna af þjónustu og störfum; tekjur landsins dragast saman. Nýlega reyndu eigendur álversins að selja það. Þessi þróun mála hefur verið í deiglunni lengi. Markaðir iðnvara eins og áls sveiflast, það eiga stjórnvöld okkar sem stjórna þjóðarorkuframleiðandanum Landsvirkjun/Landsneti að vita. Þau verða auðvitað að standa með fyrirtækjunum í landinu þegar gefur á bátinn svo þau ekki gefist upp. Stjórnvöldum okkar er í lófa lagið að láta fyrirtæki þjóðarinnar, Landsvirkjun, sem mokgræðir á að selja orku á of háu verði, stilla verðlagningu í hóf þegar orkukaupendur eiga erfitt. Það hefur ekki verið gert við ISAL sem borgar of hátt orkuverð (Mbl 25.1.2020).

Það er orðin lífsnauðsyn að leiðrétta stefnuna í orkumálum svo framleiðsla geti þrifist í landinu. Rekstur orkufyrirtækjanna, sem nýta sameiginlegu orkuauðlindina, verður að miðast við að hann þjóni þjóðarhagsmunum en sé ekki háður EES-regluruglinu, tískustjórnmálum og draumórum öfgamanna.

Atvinnuuppbyggingin komin í uppnám

Öfgastjórnmálmönnum hefur verið sleppt í ráðherraembætti og stefna þeir nú að því að Ísland (þ.e. eyðimörkin sem Ísland er að mestu) verði þjóðgarður. Landsmenn geta þá lifað á að selja ferðamönnum lunda úr tjöldum við hringveginn umhverfis þjóðgarðinn, framleiðslan verður öll lögð niður og orkan leidd til útlanda.

 

Minni fyrirtæki þarf að örva

Bjarni Benediktsson vill örva minni fyrirtæki, þau skapa flest störf (Morgunblaðsfrétt 21.1.2020). Í Bandaríkjunum hefur efnahagslífið eflst mikið eftir að afnumdar hafa verið íþyngjandi reglugerðir. Ísland býr við mjög íþyngjandi reglugerðir, að mestu vegna EES, sem bitna harðast á minni fyrirtækjum. Kostnaður vegna regluverksins hefur verið áætlaður um 165 milljarðar króna á ári (sem dygði í ein 10 jarðgöng!)

Þegar íslenskt atvinnulíf þróaðist hraðast, áratugina eftir lýðveldisstofnunina, voru reglugerðir hóflegar og atvinnustarfsemi fékk að vera í friði. Það var heldur enginn virðisaukaskattur eða tryggingagjald eða staðgreiðsla eða lífeyrissjóðakvöð eða starfsleyfiskvöð eða kvóti. Atvinnuleysið var hverfandi.

Eitt það fyrsta sem  Bretar gera með útgöngunni úr ESB er að ræsta fram reglugerðakviksyndið frá Brussel. Og ekki þarf að bíða, fyrirtæki í ESB standa nú þegar í biðröðum til að fá að starfa í Bretlandi. Besta leiðin til að örva minni fyrirtæki á Íslandi er að afnema íþyngjandi EES-reglugerðir og skatta sem teknir hafa verið upp eftir fyrirmynd frá mismikið stöðnuðum ESB-löndum.

Sjálfvirk ESB-væðing

EES- Gagnslaust Alþingi og stjórnvöld

Af þessum tilvitnunum hér að neðan úr: Snýst um kjarna Icesave deilunnar , sést glögglega hvernig EES samningurinn stýrir öllu á Íslandi án þess að nokkur geti rönd við reist. Er ekki kominn tími til að segja EES samninginum upp?

„Ég ætla að lýsa því hér yfir að ég sem ut­an­rík­is­ráðherra Íslands mun aldrei standa að því að Ísland samþykki í sam­eig­in­legu EES-nefnd­inni eða á vett­vangi EES-sam­starfs­ins upp­töku og inn­leiðingu þess­ar­ar lög­gjaf­ar með þeim hætti að hún feli í sér rík­is­ábyrgð á bankainn­stæðum. Aldrei,“ sagði ráðherr­ann enn frem­ur.- Guðlaugur Þór.

Spurð (ráðuneytið) hvort stjórn­völd telji lík­legt að slík und­anþága verði veitt seg­ir: „Að teknu til­liti til til­gangs til­skip­un­ar­inn­ar og fyr­ir­liggj­andi aðlag­ana á IX. viðauka við EES-samn­ing­inn [um fjár­málaþjón­ustu] verður að telja það ólík­legt.“

 

 

 

 

 

Mynd.Ómar Óskarsson

Er Ísland á Jörðinni?

Íslendingar berjast við hamfarahlýnunina á Norðurlandi, Flateyri og Súgandafirði á meðan loftslagssvindlið er að ná nýjum hæðum í aðdraganda leiðtogafundar í Davos. Meginfjölmiðlar dæla út falsfréttum: -"kjarreldar vegna hlýinda"-"hlýjasta ár frá upphafi mælinga"-"höfin eru að hlýna"-"súrnun er að spilla sjávarlífinu"-"jöklar eru að hverfa"- (raunin er að hlýtt andrúmsloft kveikir ekki í kjarri, meðalárshiti í Reykjavík 2019 var sá 6. og á Akureyri sá 22. hæsti, sjávarhiti N-Atlantshafsins við Ísland hefur lækkað í 16 ár, skemmdir á lífríki við kóralrif finnast ekki, sumir jöklar eru í vexti)

-"Þó Ísland sé landfræðilega eyland eru íslenskar veðurmælingar það ekki - Ef engin merki eru um manngerða hlýnun í íslenskum veðurgögnum hefur það mikla þýðingu fyrir alla loftslagsumræðuna-" (Jóhannes Loftsson verkfræðingur, Morgunblaðinu 16.1.2020)

Loftslagsskrumararnir þurfa að fá að vita að Ísland er á Jörðinni. (Loftslagsvísindi hrjáð af fölsunum)

Forgöngumaðurinn

Jón Valur Jensson var rödd vits og uppbyggingar gegn öflum vanþekkingar og upplausnar. Hann barðist gegn erlendri áþján og vondum stjórnmálum. EES og Icesave. Hann var oft fyrstur og stóð jafnvel einn við að afhjúpa niðurrifsöflin. Hann hafði kjark til að segja það sem aðrir aðeins hugsuðu. Hans rödd var skýr. Það er mikill missir að forgöngumanninum Jóni Val Jenssyni.

Við fáum sýklakjöt

Við ráðum minna og minna hvað er til sölu í búðunum, þær eru að fyllast af iðnaðarmat og undirmálsvöru sem enginn veit hvaðan kemur. Nú á að selja hér kjöt sem getur innihaldið framandi sýkla, niðurgreitt af ESB. Við fáum ekki einusinni að ráða hvernig fylgst er með sýklainnihaldi og gæðum, það gera aðilar í ESB eins og með brjóstapúðana: Eftirlitskerfi ESB sem ekki er hægt að treysta.

Við getum nú fengið sýklalyfjaþolna gerla, salmónellu, kamfílóbakter og fleiri sýkla sem drepa þúsundir manna í ESB. Auk þess er innifalin blanda af gróðureitri og skordýraeitri sem við fáum líka í matinn (Bændablaðið 9.1.2020). Blessun EES er mikil.

Vindmylluhagkerfi ESB heldur innreið sína

Í framhaldi af auknum afskiptum ESB af íslenskum orkumálum heldur vindmylluhagkerfið innreið sína hér. Útbreiðsla þess hefur verið í gangi um nokkurt skeið í ESB og einkennist af hnignun og fjölgun fátæklinga (dýpkandi orkukreppa í ESB).

EES-tilskipanir um orkumál hafa opnað á að einhverjir á EES-svæðinu (ESB, Noregi, Íslandi) sæki um virkjanaleyfi á Íslandi. Þar á meðal fyrir vindmyllur, m.a. vill Quadran Iceland Development ehf reisa vindmylluskóg á Laxárdalsheiði (Morgunblaðið 10.1.2020). Ef eitthvert múður veður mun virkjanaframkvæmdunum væntanlega verða þröngvað upp á landsmenn með EES-regluverkinu, atbeina EES-stofnana (ESA og "EFTA-dómstólsins") og ræfildómi íslenskra stjórnvalda (ætli Búðdælingar og Borðeyringar eigi skógarsagir?)

Vindmyllur eru dýrar í byggingu og rekstri, bilgjarnar, endingarlitlar, viðhaldsfrekar, nýting lítil og óörugg, lítið endurnýtanlegar, mengandi í framleiðslu og förgun, valda hljóðmengun og þar á meðal innhljóðsmengun og heilsubresti manna og dýra, hættulegar og þeyta frá sér ísdrumbum, drepa fugla, taka mikið landsvæði og valda miklum landslýtum.